Posted by: schabbers | September 28, 2013

Om te lees

Ek lees verlede week in Beeld net 14% van mense in Suid-Afrika lees boeke.

Biblioteke is vir die meeste hedendaagse kinders net ‘n gebou.

En met heimwee dink ek terug aan my eie grootworddae.  Televisie en Google was nog nie die middelpunt van mense se bestaan nie.

Ek onthou hoe ek nie kon wag dat my pa van die dorp af kom met die Daan Retief-boekklubpakkie wat by die poskatoor gelê en wag het nie.  Ek kan nie onthou of dit maandeliks of kwartaalliks was nie, maar daardie pakkie boeke was soos ‘n poort na ‘n fassinerende wêreld van fantasie, nuwe idees, geluk.

En dit was woorde wat die pretjies op die gladde, blink bladsye laat lewe het.

Wie Daan Retief was, weet ek tot vandag toe nie, maar ek vrek nog steeds oor ‘n pakkie in die pos.

Later jare was daar die kennismaking  met die dorpsbiblioteek toe ons in die koshuis was.

Woensdagmiddae was dorp-toe-gaan-middag:   met die R2-noot veilig klein opgevou in die leerbeursie om die nek.  Reguit Hoekkafee toe vir Wilsons-toffies en niekerbôls, nadat ons eers ‘n Coke-float by die tafeltjies gedrink het.

Dan biblioteek toe.  Om nuwe boeke uit te neem.  Week na week – elke Woensdagmiddag.

Kobie-boeke.  Soekie-boeke.  Trompie.  Die Jasper-reeks.  Die Uile.

Om nie te praat van later jare se Sarah du Pisanie en Ena Murray nie.

In 150 bladsye het skrywers soos dié ons boek ná boek vertel van die liefde en dat stories gelukkige eindes kan hê.

En dan het hierdie plaaskind gedroom van ridders op wit perde……

(Verwerk uit die rubriek VERBYVLUG deur Retha Fick soos verskyn in Oosrand-Beeld)

book_stack


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: